“Агар Байден сайловда ғалаба қозонса, Россия учун яхши бўлади” — Путин

Россия президенти Владимир Путин АҚШ президентлик сайловларида Жо Байден ғалаба қозонса, Россия учун яхшироқ бўлишини айтди. Бу ҳақда Бутунроссия давлат телерадиокомпаниясига берган интервьюсида маълум қилди.

“Россия учун ким яхшироқ —Байден ёки Трампми?”, деган саволга Путин биринчисини танлади.

“Байден. У тажрибалироқ одам, у эски формация сиёсатчиси. Лекин биз Америка халқи ишонч билдирган ҳар қандай АҚШ раҳбари билан ишлаймиз”, — деди у.

Россия президенти Байденнинг соғлиғи ҳақидаги хабарларга ҳам муносабат билдириб, бу АҚШ сайлов компанияси билан боғлиқ эканини айтди.

“Менимча, АҚШда ички сиёсий компания, сайлов компанияси тобора кучайиб, кескин тус олмоқда. Бу жараёнга аралашишимиз тўғри эмас. Байден билан уч йил олдин Швейцарияда учрашганман. Ўшанда ҳам уни лаёқатсиз дейишган. Бунга ишора қилувчи нарсани кўрмадим. Ҳа, у ўзининг қайдномасига, мен ҳам ўзимникига қарадим. Қаердадир вертолётдан чиқиб, боши билан урилганига келсак, ким бошини урмаган бўлса, келинг унга биринчи бўлиб тош отсин”, — дейди Путин. 

Шунингдек, у АҚШ администрациясининг ҳозирги позицияси “ўта зарарли ва нотўғри” эканини қўшимча қилди.

“Бир пайтлар бу ҳақда президент Байденга айтганман”, — дея хулоса қилди у.