Қозоғистон президенти Қосим-Жўмарт Тўқаев украиналик ҳамкасби Владимир Зеленский билан телефон орқали мулоқот қилди. Бу ҳақда Зеленский ўзининг Telegram каналида маълум қилди.
“Қозоғистон президенти Қосим-Жўмарт Тўқаев билан телефон орқали гаплашдик”, — деб ёзган Украина президенти.
Суҳбат давомида Украина президенти Қозоғистон кўрсатган инсонпарварлик ёрдами учун миннатдорлик билдирган.
“Мен ҳамкасбимга Украина тинчлик формуласини амалга ошириш борасида хавфсизлик бўйича маслаҳатчилар ишининг натижалари ва Глобал тинчлик саммити олдидан тайёргарлик тадбирлари ҳақида маълумот бердим. Жаноб Тўқаевга бугун Киевда мажбурий кўчирилган украиналик болаларни қайтариш бўйича халқаро коалиция йиғилиши бўлиб ўтаётгани ҳақида маълум қилдим. Хулоса қилиб айтганда, биз икки томонлама савдо-иқтисодий муносабатлар ва сиёсий мулоқотни фаоллаштиришни муҳокама қилдик”, — дейди Зеленский.
Изоҳ (0)