TechDroider YouTube канали блогери ноодатий тажриба ўтказишга қарор қилди. У учта энг машҳур флагманларни музлатди: Galaxy S24 Ultra, iPhone 15 Prо Мах ва Google Pixel 8 Prо. Қурилмалар сув тўлдирилган идишга солиниб 6 соатга музлаткичга қўйилди.
Белгиланган вақтдан сўнг идиш олиниб, сув эритилди. Синов натижаларига кўра, музлатилган смартфонларнинг барчаси бутун ва зарарланмаган ҳолда чиққан.
Блогер дастлаб, Samsung Galaxy S24 Ultra ва Google Pixel 8 Prо асосий камераларининг ойнаси ёрилиб кетган деб ўйлади. Лекин бу оптик иллюзия – шиша шунчаки туманлашган.
Барча тирқишлар, жумладан микрофон, порт ва динамиклар бузилмаган. Корпусларда сув қолмаган. Музлаш натижасида ҳосил бўлган босим шиша, орқа панеллар ва флагман экранларга ҳеч қандай таъсир кўрсатмаганлигини гувоҳи бўлиш мумкин.
Блогер илгари ҳам бу каби тажрибаларни ўтказган. Олдинги синовларда у iPhone 15 Prо Мах, Samsung Galaxy S23 Ultra ва Google Pixel 7 Prо’ни музлатган эди.
Изоҳ (0)