Наманган вилояти ҳокимлиги бюджети захира жамғармасидан “Навбаҳор” футбол клуби учун 2,5 млрд сўм ажратилди

Наманганнинг “Навбаҳор” жамоасига вилоят ҳокимлиги бюджети захира жамғармасидан 2,5 миллиард сўм ажратилди.

“Ўзбекистон Республикаси Вазирлар Маҳкамасининг 2019 йил 3 апрелдаги 05-14/1-917-сон йиғилиш баёни ижросига мувофиқ, “Навбаҳор” профессионал футбол клубининг жорий йил 24 январдаги 19-сонли мурожаат хатини инобатга олиб,

Вилоятда спортнинг футбол турини ривожлантириш ва бош жамоа бўлган “Навбаҳор” профессионал футбол клубини молиявий ҳолатини тиклаш, мавсумолди йиғинларини юқори савияда ўтказиш билан боғлиқ харажатлар ҳисобидан вилоят ҳокимлиги қошидаги “Марказий” ўйингоҳ бинолари ва иншоотларидан фойдаланиш дирексияси давлат унитар корхонасига 2,0 (икки) миллиард сўм маблағ ажратилсин”.

“Ўзбекистон Республикаси Вазирлар Маҳкамасининг 2019 йил 3 апрелдаги 05-14/1-917-сон йиғилиш баёни ижросига мувофиқ, “Навбаҳор” профессионал футбол клубининг жорий йил 18 январдаги 12-сонли мурожаат хатини инобатга олиб,

Вилоятда спортнинг футбол турини ривожлантириш ва бош жамоа бўлган “Навбаҳор” профессионал футбол клубини молиявий ҳолатини тиклаш, мавсумолди йиғинларини юқори савияда ўтказиш билан боғлиқ харажатлар ҳисобидан вилоят ҳокимлиги қошидаги “Марказий” ўйингоҳ бинолари ва иншоотларидан фойдаланиш дирексияси давлат унитар корхонасига 500,0 (беш юз) миллиард сўм маблағ ажратилсин”, — дейилади фармойишда.