Navoiy viloyatida elektrdan noqonuniy foydalangan korxona davlatga 667 million so‘m zarar yetkazdi. Bu haqda “Hududiy elektr tarmoqlari” AJ axborot xizmati xabar berdi.
Keltirilishicha, “Hududiy elektr tarmoqlari”AJ Navoiy hududiy filiali hamda huquqni muhofaza qilish organlari bilan hamkorlikda viloyatning barcha hududlarida elektr energiyasidan noqonuniy foydalanishlarni aniqlash maqsadida tezkor reyd tadbirlari o‘tkazilib, qonunbuzarlik holatlari aniqlanib, zarur choralar ko‘rilmoqda.
Xususan, G‘ozg‘on shahrida olib borilgan tezkor reyd tadbirlari davomida SH.H rahbarligidagi MCHJ ko‘zdan kechirilganda, elektr energiyasidan foydalanish qoidasi buzilgani aniqlandi. Natijada, mazkur MCHJ filialga 667 million so‘mdan ortiq zarar yetkazgani qayta hisob-kitob qilish orqali hisoblandi. Holat yuzasidan tegishli hujjatlar qonuniy chora ko‘rilishi uchun huquqni muhofaza qiluvchi organlarga yuborildi.
Izoh (0)