Тошкент шаҳридаги қурилиш объектидан йиқилган қурувчи йигит вафот этди. Бу ҳақда “Миллар” дастурида хабар берилди.
Маълум бўлишича, ҳолат пойтахтдаги қурилиш объектларининг бирида юз берган. Бемор шифохонага олиб келингач дарҳол жарроҳлик амалиёти ўтказилган. Операция икки соат давом этган.
Бугун шифохонамизга 27 ёшли бемор тез тиббий ёрдам машинасида оғир аҳволда олиб келинган. Яқинларининг ва тез тиббий ёрдам шифокорининг сўзларига қараганда, бемор кўп қаватли бинонинг юқори қаватидан бахтсиз ҳодиса туфайли йиқилиб тушган. Операция давомида унинг кўкрак қафасида ва қорин бўшлиғи аъзоларида шикастланишлар, қовурғалар ва тос суяги синиши аниқланди”, — дейди жарроҳ.
Операция якунлангач бемор тиббий муолажаларга қарамасдан вафот этган.
Изоҳ (0)