Америкалик тадбиркор Илон Маск 2024 йилги АҚШ президентлиги сайловларида Республикачилар партиясидан потенциал номзод Вивек Рамасвамига ишонишини айтди. Бу ҳақда тадбиркор Х ижтимоий тармоғида ёзди.
Сиёсатчи Маскнинг унга нисбатан ижобий муносабатини ўз саҳифасига жойлаштирган. Вивек Рамасвами президентлик сайловларида ғалаба қозонса, АҚШнинг НАТОдан чиқишига эришишни режалаштираётганини айтганди. Reuters ва Ipsos халқаро тадқиқот компанияси ўтказган сўров натижаларига кўра, Рамасвамини респондентларнинг 4 фоизи, АҚШнинг собиқ президенти Дональд Трампни эса 49 фоизи қўллаб-қувватлаган.
2023 йилнинг ёзида Рамасвами Россияга Украинадаги можарога барҳам бериши мумкин бўлган битим тузишни таклиф қилганди. Сиёсатчи Киевнинг эҳтимолий ён босиши орасида “тўқнашув чизиғини музлатиш” ва Украинанинг НАТОга аъзо бўлмаслигини айтганди.
“Бунинг эвазига Россия Хитой билан қўшма ҳарбий келишувдан чиқиши керак”, — деганди Рамасвами.
АҚШда президентлик сайлови 2024 йил 5 ноябрга белгиланган. Кутилганидек, Дональд Трамп Республикачилар партиясидан номзод бўлса, унга амалдаги давлат раҳбари Жо Байден рақобатчи бўлади. Социологик тадқиқотлар натижаларига кўра, Трамп сайловолди пойгасида ғалаба қозонишга қодир.
Изоҳ (0)