WEF веб-сайтида эълон қилинган тадбир дастурига кўра, 16 январь куни Швейцариянинг Давос шаҳрида бўлиб ўтадиган Жаҳон иқтисодий форумида Украина президенти Владимир Зеленский шахсан нутқ сўзлайди.
14 январь куни Давосда Украина “тинчлик формуласи” бўйича учрашув бўлиб ўтиши кутилмоқда. Ушбу йиғилишда 100 дан ортиқ мамлакатлар иштирок этишга таклиф қилинган. Аммо уларнинг қанчаси таклифни қабул қилгани номаълум. Умуман олганда, Украинанинг “тинчлик формуласи” ўнта банддан иборат, жумладан, Украинанинг ҳудудий яхлитлигини тиклаш ва Россия қўшинларини унинг ҳудудидан олиб чиқиш.
28 декабрь куни Россия ташқи ишлар вазири Сергей Лавров 2023 йил декабрида Саудия Арабистонида Украина вакиллари иштирокида махфий учрашув бўлиб ўтганини, унда Киев ва Москва ўртасида тинчлик музокаралари ўтказиш имконияти муҳокама қилинганини маълум қилди. 9 январь куни Bloomberg ўз манбаларига таяниб, учрашув тафсилотларини маълум қилди.
Унга кўра, унда Украинадан ташқари G7 ва Глобал Жануб давлатлари ҳам иштирок этган. Bloomberg қайд этганидек, Россия у ерга таклиф қилинмаган, Бирлашган Араб Амирликлари, Бразилия ва Хитой эса у ерга ўз вакилларини юбормаган. Агентлик суҳбатдошларига кўра, Ар-Риёдда бўлиб ўтган махфий учрашувда якунда ҳеч қандай қарорга келинмаган.
Изоҳ (0)