Бухоро шаҳрида жойлашган кафе ертўласида чақнаш содир бўлди. Вилоят ФВБ ахборот хизмати ҳодиса юзасидан маълумот берди.
3 январь куни Бухоро шаҳри Газли шоҳкўчасида жойлашган "Марута" кафеси биноси олд томонидаги ертўлада газ ҳаво аралашмаси чақнаши содир бўлган. Бинога ҳеч қандай зарар етмаган, фақатгина деразалар парчаланиб, ромлари қисман зарарланган.
Ҳодиса натижасида фуқароларнинг тан жароҳати ва ҳалок бўлиш ҳолатлари қайд этилмаган. Воқеа жойига вилоят ҳокимлиги, ФВБ, Бухоро шаҳар прокуратураси, ИИБ ходимлари жалб этилган. Ҳозирда ҳодисанинг келиб чиқиш сабаблари суриштирув органлари томонидан аниқлаштирилмоқда.
Изоҳ (0)