Ижтимоий тармоқларда маст ҳолда автомобиль бошқарган шахсларнинг транспорт воситалари давлат фойдасига мусодара этилиши ҳақида хабарлар тарқалди. Йўл ҳаракати хавфсизлиги хизмати буни рад этди.
Тарқалган хабарларда маст ҳолда транспорт воситасини бошқарганлик учун жавобгарликни кучайтириш ҳақидаги лойиҳа ишлаб чиқилгани, ушбу қоидабузарлик такроран содир этилса, жиноий жавобгарлик белгилаш ҳам таклиф этилгани айтилган.
Йўл ҳаракати хавфсизлиги хизмати мазкур лойиҳада маст ҳолда автомобиль бошқарганлик учун жазо сифатида транспорт воситасини давлат фойдасига мусодара қилиш таклиф этилмаганини маълум қилди.
Шунингдек, тармоқлардаги айрим саҳифаларнинг админларидан асоссиз маълумот тарқатиб, жамоатчиликни чалғитмасликлари сўралди.
Изоҳ (0)