“Ўзбектелеком” АК оддий акциялари 2023 йил 20 декабрдан бошлаб “Тошкент” Республика фонд биржасида савдоси бошланди. Ушбу тадбир инвесторлар орасида катта қизиқиш уйғотди.
“Тошкент” фонд биржасида компания акцияларига талаб катта бўлиб, ушбу акцияларга харид қилиш учун талаб, сотиш таклифидан ўртача 8-10 бараварга ошиб кетди. Бундан ташқари, улар куннинг энг фаол сотилган акцияларига айланди: биржа савдолари ҳажми 667 миллион сўмни ташкил этиб, бу навбатдаги энг оммабоп акцияларнинг биржа савдоси ҳажмидан 20 баравар кўпини ташкил этди. Натижада акциялар нархи кун давомида 25 фоизга кўтарилди ва бир дона акция учун 7500 сўм нарх белгиланди.
Эслатиб ўтамиз, IPO давомида 5 542 046 дона қўшимча оддий акциялар чиқарилиб, ҳар бир акцияни жойлаштириш нархи 6000 сўмни ташкил этганди. IPO натижасида 11 мингга яқин чакана ва 10 та корпоратив, институционал инвесторлар Ўзбекистон капитал бозорининг бир қисмига айланди. Потенциал инвесторларни ўзига жалб этган муҳим жиҳатлардан бири бу адолатли қийматдан, яъни ҳар бир акция учун 9 135 сўмдан 35 фоизлик чегирмани ташкил этди. Ушбу қадам компаниянинг стратегик ўрнини таъкидлаб, потенциал акциядорлар учун жозибадор кириш нуқтасини белгилади.
Portfolio Investments МЧЖ, Ўзбекистон Миллий банки ва Ўзсаноатқурилишбанк андеррайтерлар консорсиуми томонидан ташкил этилган IPO роудшоуси (Роад Show) инвесторларда катта қизиқиш уйғотди. UZTELECOM акциялари Ўзбекистон IT соҳасидаги ўсиш акциялари (Growth Stocks) сифатида инвесторларнинг эътиборини тортди. Инвесторларнинг юқори қизиқиши IPOда таклиф қилинган акцияларга талабни 131 фоизга ошишига олиб келди (Oversubscription).
IPO давомида Жетт сервиси орқали 15 000 дан ортиқ чакана ҳисоб рақамлари очилди, уларнинг 70 фоизидан ортиғи Узтелеcом акцияларини сотиб олишга буюртма беришди. Чакана инвесторлар биргаликда янги эмиссиянинг 2 миллиондан ортиқ акцияларини сотиб олишди, бу умумий таклифнинг қарийб 40 фоизини ташкил этди. Корпоратив ва институционал инвесторлар ҳам катта қизиқиш билдириб, 3,5 миллиондан ортиқ акцияларини сотиб олишди.
Бозорнинг бу ижобий реакцияси UZTELECOMнинг бозордаги иштирокига ишонч ва иштиёқ ортиб бораётганини таъкидлайди.
UZTELECOM Ўзбекистон телекоммуникация соҳасининг етакчиси бўлиб, учта асосий сегментда фаолият юритади: мобил алоқа, кенг полосали уланиш ва маълумотлар марказлари. Компания IPOдан олинган маблағни мавжуд инфратузилмани модернизация қилиш ва кенгайтиришга йўналтирмоқчи. UZTELECOM маълумотлар марказларини қуриш, оптик толали тармоқларни кенгайтириш ва мобил база станцияларини модернизация қилишга катта маблағ сарфламоқда. Йиғилган маблағлар компаниянинг бозордаги мавқеини мустаҳкамлаш ва операцион имкониятларини кенгайтиришга ёрдам беради.
Узтелеcом – доимо сизга яқин бўлган оператор.
Узтелеcом ижтимоий тармоқлари: utc.uz/scl
MyUztelecom мобил иловаси:
Бот: utc_uzbot
Сайт: uztelecom.uz
Техник қўллаб-қувватлаш: utc.uz/00e17
Call-марказ: 1099
Реклама ҳуқуқи асосида.
Изоҳ (0)