Профессионал бокснинг биринчи ярим енгил вазн тоифасида собиқ жаҳон чемпиони Муроджон Аҳмадалиев (11-1, 8 КО) мексикалик Кевин Гонсалесга (26-0-1, 13 КО) қарши жанг қилади.
Ушбу жанг Тошкент вақти билан якшанба тонгида АҚШнинг Аризона штатида жойлашган Desert Diamond аренасида ташкил этиладиган бокс оқшоми доирасида ўтказилади.
Жанг олдидан Муроджон Аҳмадалиев матбуот анжуманида иштирок этди.
Мен аввалги жангимни бир неча бор қайта кўриб чиқдим. Фикримча, ўша жангда ғалаба меники бўлиши керак эди. Нима бўлган тақдирда ҳам яна рингга қайтаётганимдан хурсандман.
Шанба куни (бизнинг вақт билан якшанба тонги) барчани аренада кўришни истайман. Мен ҳар бир рақибимга ҳурмат билан қараганман. Гонсалес — яхши даражадаги боксчи ва шу сабабли мен унга қарши рингга кўтариляпман.
Муроджон Аҳмадалиев
Эслатиб ўтамиз, ушбу жанг WBA камари учун Элиминатор, яъни саралаш вазифасини ўтаб беради.
Изоҳ (0)