Қуюқ туман сабабли Ўзбекистондаги айрим аэропортлар фаолияти чекланди. Бу ҳақда Uzbekistan Airports матбуот хизмати хабар берди.
Маълум қилинишича, Иркутск—Фарғона йўналиши бўйича рейсни амалга ошираётган S7 Airlines самолёти ноқулай об-ҳаво шароити туфайли 7 декабрь куни соат 23:27 да Наманган аэропортидаги муқобил аэродромга қўнган. Самолётдаги 177 нафар йўловчи Фарғонага ерусти транспорти орқали етказилиши белгиланган.
Бироқ 8 декабрь куни соат 00:10 дан бошлаб Наманган аэропортини ҳам қуюқ туман қоплагани сабаб ушбу аэропорт иши ҳам вақтинча чекланди.
Panorama Airways’нинг Мадина—Наманган йўналиши бўйича учган рейси Тошкентдаги муқобил аэродромга қўнишга қарор қилган. Соат 02:33 да бортида 170 нафар йўловчи бўлган самолёт Тошкент аэропортига қўнган.
Самарқанд халқаро аэропортида ҳам қалин туман кузатилиб, самолётларни қабул қилиш чекланди. Соат 02:54 да ушбу чеклов олиб ташланди.
Изоҳ (0)