Голливуд юлдузи Бредли Купер бош ролни ўйнаган “Маэстро” фильми атрофидаги муҳокамаларнинг аксарияти унинг таниқли дирижёр Леонард Бернстайнга ташқи кўриниш жиҳатидан ўхшаш учун қилган ҳаракатларига қаратилмоқда. Аммо актёрнинг ушбу ролга тайёргарлиги ҳам таҳсинга сазовор.
Фильмнинг Лос-Анжелесдаги намойиши пайтида Купер Леонард Бернстайннинг услубидан илҳомланиб, 6 йил давомида дирижройликни ўрганганини айтиб ўтди. Фильмнинг сўнгги саҳналаридан бири учун унинг ўзи ёзган олти дақиқалик мусиқа ушбу ҳаракатлар самараси ҳисобланади.
“Мен ушбу саҳна туфайли жуда асабийлашдим. Чунки биз уни жонли мусиқада ёзиб олишимиз керак эди. Мусиқа Лондон симфоник оркестри томонидан ижро этилди, менинг саҳнамни ҳам ўша пайтда ёзиб олишди. Менда уларга дирижёрлик қилишдан бошқа чора қолмади”, — дейди Купер.
Актёр Леонард Бернстайннинг чиқишларини, шу жумладан, 1976 йилги Лондон симфоник оркестри билан ижросини ўрганган. “Маэстро” фильмининг сюжети дирижёр ва унинг рафиқаси Фелисия Монтеалегре ўртасидаги севги муносабатлари ҳақида.
Ижодкорларнинг таъкидлашича, фильм ҳаёт ва санъатга муҳаббат мактуби бўлиб, оилавий муносабатларда эмоционал-эпик портретни намоён этади.
Изоҳ (0)