Тошкентда йўловчи автобуси 47 ёшли пиёдани уриб юборди, деб хабар беради “Тошшаҳартрансхизмат” матбуот хизмати.
Маълум қилинишича, 20 ноябрь куни соат 17:37 ларда “8-Автобус саройи” филиалига қарашли 82-сонли Ибн Сино даҳаси-1 – Юнусобод даҳаси 17 йўналишида ҳаракатланувчи Yutong CNG русумли автобус иштирокида йўл-транспорт ҳодисаси содир этилган.
35 ёшли ҳайдовчи Ш.П (стажи 13 йил) Олмазор тумани Гулсарой кўчасидан ҳаракатланиб келиб Қорасарой кўчасига қайрилиб олиш вақтида, йўлнинг белгиланмаган қисмидан тўсатдан югуриб келган маст ҳолатдаги фуқаро — 47 ёшли Ҳ.Б.ни уриб юборган.
Ҳодиса оқибатида фуқаро тан жароҳати олгани сабабли воқеа жойига тез тиббий ёрдам чақирилган ва фуқарога тиббий ёрдам кўрсатилган. Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан ўрнатилган тартибда расмийлаштирилган.
Эслатиб ўтамиз, июнь ойида Тошкент шаҳар Учтепа туманида йўловчи электробуси ва Lacetti иштирокида ЙТҲ содир бўлганди.
Изоҳ (0)