Исроил армияси Ғазо секторидаги Аш-Шати қочқинлар лагерига зарба берди. Бу ҳақда “РИА Новости” хабар берди.
“Сўнгги 24 соат ичида Исроил армияси ҳарбийлари Ғазо сектори шимолидаги Аш-Шати лагерида фаолият олиб бора бошлади. Оператив ҳаракатлар давомида ҳарбийлар кўплаб ‘террорчилар’ни йўқ қилди ва ҳудуддаги ‘террорчилик инфратузилмаси’нинг кўп сонли объектларини аниқлади”, — дейилади хабарда.
Таъкидланишича, жанглар давомида ҳарбийлар ҳудуддаги бинолардан бирида тинч аҳоли вакиллари аниқланган. Исроил армияси уларни эвакуация қилганини, бу вақтда “террорчилар” ҳарбийларга қарата ўқ узишни бошлаганини маълум қилди.
“Эвакуация йўлларини ҳимоя қилиш учун ҳарбийлар ўқ отиш қуроллари ва танклар билан жавоб қайтарди”, — дейилади Исроил армияси баёнотида.
Шунингдек, Исроил армияси бошқа бир операцияда уйда баррикада ўрнатилган “террорчилар ячейкаси”ни аниқлагани, ҳудудга самолёт жўнатиб, уларни ўлдирганини даъво қилмоқда. Бино омборидан ракета учирилгани аниқлаганидан сўнг, қирувчи самолёт ўт очиш манбасига зарба берган, дейилади хабарда.
Изоҳ (0)