Шавкат Мирзиёев 9 ноябрь куни Иқтисодий ҳамкорлик ташкилотининг 16-саммитида нутқ сўзлади. Унда ташкилотга аъзо давлатларни биргаликда ҳамжиҳат бўлиб ҳаракат қилишга чақирди.
“Бугун кўз ўнгимизда дунё сиёсий архитектураси том маънода ўзгармоқда ва глобал қайта қурилиши содир бўлмоқда. Бу мураккаб жараёнларда ўзининг катта ўрнига эга бўлган ташкилотимиз давлатлари биргаликда ҳамжиҳат бўлиб ҳаракат қилиши, вужудга келаётган хавф-хатарларга қарши самарали ечимлар топиши муҳимдир”, — деди давлат раҳбари.
Президент ташкилот аъзоларини муштарак тарих ва муқаддас ислом динимиз, бой маданият ва ўхшаш қадриятлар чамбарчас боғлаб туришини қайд этди.
“Ҳамкорликда иқтисодий барқарорлик ва тараққиёт сари” шиори остида ўтаётган саммитида кўп томонлама алоқаларимизни янги босқичга олиб чиқиш ва энг долзарб масалалар бўйича батафсил фикр алмашилишини таъкидлаб ўтди.
“Ярим миллиард аҳоли яшайдиган кенг минтақамиз савдо-иқтисодий, саноат, инвестисия ва инновациялар, транспорт соҳаларидаги алоқаларни ривожлантиришда катта салоҳиятга эга”, — деди президент.
Изоҳ (0)