Футбол бўйича Европа Чемпионлар Лигасининг гуруҳ босқичи 3-туридан ўрин олган қатор ўйинлар 24 октябрь, сешанба куни бўлиб ўтди.
А гуруҳи вакиллари “Бавария” ва “Галатасарой” ўзаро баҳс олиб борди. Учрашувнинг 8-дақиқасида Кингсли Коман мюнхенликларни ҳисобда олдинга олиб чиқди. 30-дақиқада Мауро Икарди пенальтини аниқ амалга ошириб, ҳисобни тенглаштирди.
Иккинчи бўлимда ҳам устунликни оширган Мюнхен жамоаси 73-дақиқага келиб, рақиб дарвозасини ишғол қилишга муваффақ бўлди. Бу сафар Ҳарри Кейн ўз ҳисобига гол ёздириб қўйди. 79-дақиқада Жамал Мусиала “Бавария”нинг учинчи голига муаллифлик қилди.
Шу тариқа мюнхенликлар 3:1 ҳисобида ўйинни ўз фойдасига ҳал қилди.
D гуруҳида “Интер” “Зальцбург”ни қабул қилди ва 2:1 ҳисобида зафар қучди. Миланликлар сафида Алексис Санчес ва Ҳоқон Чалҳанўғли ўз ҳисобига гол ёздириб қўйган бўлса, “Зальцбург”да Оскар Глух гол муаллифига айланди.
ЕЧЛ
3-тур
24 октябрь,сешанба
“Галатасарой” – “Бавария” 1:3
Голлар: 0:1 – 8 Коман, 1:1 – 30 Икарди (пенальти), 1:2 – 73 Кейн, 1:3 – 79 Мусиала.
“Галатасарой”: Муслера, Боэ, Бардакжи, Санчес, Караташ (Анхелинё, 75), Айхан (Ндомбеле, 80), Торрейра, Заа (Зиёш, 75), Актюркоглу (Йилмаз, 75), Тете (Мертенс, 56), Икарди.
“Бавария”: Ульрайх, Мазрауи (Сарр, 78), де Лигт, Ким Мин Чже, Дэвис, Киммих, Лаймер, Коман (Тел, 83), Сане, Мусиала, Кейн (Шупо-Мотинг, 83).
Огоҳлантиришлар: Сане (14), Лаймер (32), Тете (53), Айхан (62), Дэвис (90+5).
“Интер” – “Зальцбург” 2:1
Голлар: 1:0 – 19 Санчес, 1:1 – 57 Глух, 2:1 – 64 Чалҳанўғлу (пенальти).
“Интер”: Зоммер, Думфрис (Дармиан, 65), де Врей, Павар, Бастони, Карлос Аугусто, Мхитарян (Барелла, 46), Чалҳанўғлу (Аслани, 76), Фраттези, Санчес (Тюрам, 65), Мартинес (Классен, 85).
“Зальцбург”: Шлагер, Дедич, Соле, Павлович, Ульмер, Бидструп (Конате, 72), Сучич, Кергор (Доржелес, 72), Гурна-Дуат (Капалдо, 85), Глух (Аманква, 85), Шимич (Ратков, 71).
Огоҳлантиришлар: Шимич (23), Мхитарян (28), Гурна-Дуат (29).
Изоҳ (0)