“Kapitalbank” АТБ ўзининг тадбиркор мижозлари учун янгиланган масофавий банк хизмати – Узум Business иловасини ишга туширди. Иловада “Kapitalbank” АТБ мижоз-компаниялари ва тадбиркорлар тўловларни амалга оширишлари, транзакцияларни кузатиш, кўчирмаларни олиш, валютани сотиб олиш ва айрбошлаш ва яна бошқа кўп операцияларни амалга оширишлари мумкин.
Келгусида ушбу хизмат банк хизматлари ва тадбиркорлар учун Узум экотизим хизматларини бирлаштиради.
– Ҳозирги кунда Ўзбекистон тадбиркорлик шов-шувини бошдан кечирмоқда ва биз учун кичик, ўрта ва йирик бизнесга қулай, тезкор ва ишончли хизматларни таъминлашимиз муҳим, – дейди “Kapitalbank” АТБ бошқаруви раиси Кирилл Майевский. — Тадбиркорлар учун банк маҳсулотлари ва бошқа хизматлар интеграцияси - бу биз фаол ривожлантиришни режалаштирган йўналишлардан биридир. Узум Business бу банкнинг қулай иловаси, келажакда у тадбиркорлар учун ҳақиқий супер иловага айланади.
Хизматдан “Kapitalbank” АТБ нинг барча якка тартибдаги тадбиркор ва юридик шахс мижозлари фойдаланишлари мумкин. Мобил илова орқали амалга ошириладиган молиявий бухгалтерия ҳисоб-китоби, кўпинча мустақил равишда бухгалтерия ҳисоб-китобини олиб борадиган якка тартибдаги тадбиркорлар учун ҳам, мутахассислар таркибига эга компаниялар учун ҳам бирдек қулайдир. Биометрик маълумотлардан фойдаланган ҳолда кириш, иш ҳақи варақалари, тезкор ўтказмалар, хорижий валютани сотиб олиш ва сотиш, мунтазам тўлов шаблонлари ва транзакция мониторинги – булар ва бошқа яна кўп муҳим функциялар iOS ва Android учун Узум Business иловасида аллақачон мавжуд.
Веб-версия ва илованинг синхронизацияси туфайли ҳар бир версия жорий маълумотларни тақдим этади, шундай қилиб, компьютердан тўлов шаблонларини тўлдириш мумкин, иловадан эса имзо қўйиб ва тўловга юбориш мумкин.
Бугунги кунда “Kapitalbank” АТБ ва “Узум” экотизимининг хизматларидан мамлакатимизнинг барча ҳудудларидан 50 мингдан ортиқ тадбиркор ва компаниялар фойдаланмоқда ва уларнинг сони фаол равишда ошиб боряпти. Экотизим инфратузилмаси Ўзбекистон фуқароларига нафақат ўз маҳсулотларини бутун мамлакат бўйлаб сотиш, балки ўз бизнесини ривожлантириш учун илғор технологиялардан фойдаланиш имконини ҳам беради.
Мурожаат учун телефон: +998781481122
iOS ва Android мобил иловаларии юклаб олинг
Реклама ҳуқуқи асосида.
Изоҳ (0)