Қатарнинг Доҳа шаҳрида Qatar Masters—2023 халқаро турнири 11—20-октябрь кунлари бўлиб ўтди.
Жаҳон тождори Магнус Карлсен, рейтинг етакчилари Хикару Накамура, Аниш Гири сингари дунё шахмат юлдузлари иштирок этган мусобақа бош соврини учун ўзбекистонлик икки ёш гроссмейстер Нодирбек Абдусатторов ва Нодирбек Ёқуббоев ўзаро тай-брек учрашувида дона сурди.
Боиси, сўнгги 9-турдан сўнг бу икки шахматчи 7 тадан очко жамғариб, турнир жадвалида қўшҳокимлик ўрнатганди. Тай-брекнинг ҳар икки партиясида Ёқуббоев ғалаба қозониб, мусобақа чемпионига айланди. Нодирбек Абдусатторов иккинчи ўринни эгаллади. Олти ярим очко жамғарган Жавоҳир Синдоров қўшимча кўрсаткичларга кўра 4-ўринни банд этди.
Изоҳ (0)