Бухоро шаҳрида Швеция фуқароси ҳужжатларини йўқотиб қўйди. Вилоят ИИБ ҳолат юзасидан маълумот берди.
Унга кўра, вилоят ИИБ Хавфсиз туризмни таъминлаш бошқармаси ходимлари Бухоро шаҳрига ташриф буюрган маҳаллий ва хорижий сайёҳларнинг хавфсизлигини таъминлаш мақсадида жиноятчилик ва ҳуқуқбузарликларнинг олдини олиш бўйича доимий равишда профилактик тарғибот тадбирлари олиб боришмоқда. Шаҳарнинг тарихий қисмига саёҳат мақсадида ташриф буюрган Швеция фуқароси М.Экстром эҳтиётсизлиги натижасида шахсий ҳужжатларини йўқотиб қўйган.
Шунда вилоят ИИБ ХТТБ ходимларининг саъй-ҳаракатлари туфайли сайёҳнинг ҳужжатлари қисқа фурсатда топилиб, эгасига қайтарилди. Шунингдек, маҳаллий сайёҳ Х.Р.нинг йўқолган қўл телефони қисқа муддат ичида ходимлар томонидан топилиб, эгасига етказилди.
Изоҳ (0)