Шавкат Мирзиёев ҳузурида темирйўл соҳасида ҳал қилиниши лозим бўлган асосий масалалар муҳокамаси ва уларни ҳал қилиш бўйича чора-тадбирларни белгилаш юзасидан йиғилиш бошланди. Бу ҳақда Президент матбуот хизмати хабар берди.
Маълум қилинишича, сўнгги етти йилда мамлакатда саноат корхоналари сони 2,7 бараварга ошиб, 110 мингтага етгани, 2 мингдан зиёд турдаги янги маҳсулот ишлаб чиқариш йўлга қўйилгани, саноат ҳажми 1,5 бараварга ошгани қайд этилди. Экспорт ҳажми 1,6 баробар кўпайиб, ўтган йили 19 миллиард долларга етди. Булар ҳисобига мамлакатда юк айланмаси 30 фоизга ошди. Айниқса, Тошкент шаҳри, Тошкент вилояти, Самарқанд ва водий вилоятларига юк ташиш 1,5 баравар кўпайди.
Шу билан бирга, халқаро майдондаги вазият ҳисобига транспорт-логистика харажатлари бир неча баробар ошиб кетди. Ўзбекистон каби дунё океанларига тўғридан тўғри чиқиш имкони йўқ мамлакатлар учун энг қулай ва арзон транспорт бу – темирйўл ҳисобланади.
Лекин, ҳозир ички бозорда маҳсулотнинг атиги 5 фоизи, экспортда эса 45 фоизи темирйўл орқали ташилаётгани қайд этилди.
“Яъни, темирйўл компанияси автомобилда юк ташиш билан рақобат қила олмаяпти”, — дейилади хабарда.
Изоҳ (0)