Ташқи меҳнат миграцияси агентлиги Германияда ишлаш истагида бўлган фуқароларга мурожаат қилди.
Унга кўра, Ташқи меҳнат миграцияси агентлиги ҳамда Германиянинг NоVо Agency ташкилоти ўртасидаги ҳамкорлик келишувига асосан немис тилидан B1 даража сертификатига эга тажрибали тиббиёт ходимлари Германия тиббиёт муассасаларига ҳамда қариялар уйига ишга таклиф этилади. Номзодлар учун талаблар:
- тиббиёт коллежи/техникумини ҳамширалик, даволаш ҳамда фелдшер йўналишларини (фақат 3 йиллик техникум дипломи ёки олий маълумотли ҳамширалик дипломи) тамомлаган;
- беморларга ғамхўрлик қилиш қобилияти;
- 39 ёшгача;
- Гёте институти, ECL, Теlc ёки ÖsD дан B1 даража сертификати;
- судланмаган;
- жисмонан соғлом;
- юқори мотивация ва фазилатлар.
Қайд этилишича, стоматолог, ўқитувчилик ва доришунослик соҳасида шуғулланган номзодлар қабул қилинмайди. Шунингдек, қуйидаги харажатлар қоплаб берилади ва хизматлар кафолатланади:
- ҳужжатларни таржима қилиш ва Германияда тасдиқлаш;
- виза харажатлари;
- яшаш жойини топишда кўмак;
- ижтимоий ва тиббий суғурта;
- Тошкентдан Германияга авиачипта ва аэропортдан иш жойигача трансфер.
Меҳнат шароитлари немис ҳамширалари билан бир хил (касбий тасдиқлангунга қадар ойлик 2300 евродан) ва бутун жараён давомида доимий қўллаб-қувватлаш. Германияда касбий тасдиқланиш жараёни тугагандан кейин ойлик 3000 евродан бошлаб берилади.
Рўйхатдан ўтиш учун зарур бўлган ҳужжатлар:
- Чет элга чиқиш паспорти (пдф шаклда);
- Немис тилидан B1 сертификат (пдф шаклда);
- Таржимаи ҳол (немис, рус, инглиз ёки ўзбек тилида);
- Тиббиёт коллежи ёки техникумини тамомлаганлик ҳақида диплом ва илова (фақат 3 йиллик диплом ёки ОМХ, пдф шаклда).
Изоҳ (2)
Немис тилини билмаймиз шароит огир бошка ишга Борса бумайдими
Nimis tilini bilmaganlarchi nima qiladi Germaniyaga borip oilaviy sharoitimni yaxshilab olmoqchi edim biror yoʻli bormi