Тошкентнинг иккита тумани ҳудудида газ, биттасида эса электр таъминоти вақтинча тўхтатилади 

Тошкентнинг икки тумани ҳудудига 6 сентябрь табиий газ етказиб бериш вақтинча тўхтатилади. Бу ҳақда “Ҳудудгаз Пойтахт” матбуот хизмати хабар берди.

Қайд этилишича, таъмирлаш ишлари туфайли Янгиҳаёт ва Сергели туманларининг айрим ҳудудларига табиий газ етказиб бериш вақтинча тўхтатилади.

Янгиҳаёт туманининг “Олчазор” ва “Бинокор” маҳаллалари (соат 11:00 дан 17:00 гача):

• Аҳоли хонадонлари сони — 290 та;
• Улгуржи истеъмолчилари сони — 3 та.

Сергели туманининг “Қумариқ”, “Хонободтепа” ва “Султонобод” (соат 11:00дан 16:00 гача) маҳаллалари:

• Аҳоли хонадонлари сони — 564 та;
• Улгуржи истеъмолчилари сони — 3 та.

Шунингдек, 6 сентябрь куни куз-қиш мавсумига пухта тайёргарлик кўриш мақсадида пойтахтнинг айрим туманлари ҳудудида электр таъминоти вақтинча тўхтатилади:

• Чилонзор тумани — “Қозиробод” МФЙнинг айрим кўчаларида соат 09:00 дан 17:00 гача.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилган. 

Аввалроқ Тошкент халқаро аэропортида шаҳарнинг “Қўйлиқ” подстанциясида содир бўлган авария туфайли электр таъминотида узилиш содир бўлганди. Шунингдек, Ўзбекистон Энергетика вазирлиги аҳолига мурожаат билан чиқиб, электр энергиясини тежашнинг антиқа усулини маълум қилган. Вазирликка кўра, электр энергиясини тежаш учун кир ювиш машинасидан фойдаланганда пастроқ ҳароратда кир ювишга ҳаракат қилиш керак.