Швейцария сентябрь ойида Киев ҳукуматига масофадан бошқариладиган мина тозалаш машинаси, тиркамали юк машинаси ва уч йилга етадиган эҳтиёт қисмларини тақдим қилади. Ушбу техник воситаларнинг умумий қиймати 1,2 миллион франкни (1,35 миллион доллардан ортиқ) ташкил этади. Бу ҳақида Швейцария ҳукумати сайтида маълум қилинди
Хабарда айтилишича, ҳарбий департамент Украина фавқулодда вазиятлар хизматига “миналар, кассетали ўқ-дорилар ва ҳарбий портловчи моддалар қолдиқлари бўлиши мумкин бўлган ҳудудлар”ни тозалаш учун масофадан бошқариладиган машинани топширади.
“Пиёдаларга қарши миналарни тозалашга қодир бўлган ғилдиракли автомашинадан ташқари, Киевга бериладиган техник жиҳозлар орасида тиркамали юк машинаси ва уч йилга мўлжалланган эҳтиёт қисмлар партияси ҳам бор”, — дейилади хабарда.
29 август куни Swiss Digger жамғармаси минадан тозалаш машинасини Мудофаа вазирлигига топширди. Сентябрь ойида Van For Life ассоциацияси ушбу ускунани Украинага етказиб беради. Ўз навбатида, Swiss Digger жамғармаси украиналик мутахассисларни ўқитиш ишларини ҳам ташкил қилади.
Изоҳ (0)