Ҳар бир актёр машҳурликка эришгунига қадар кўплаб қийинчиликларни бошдан кечиради: ёшлигидан мактаб театрига боради, кейин шу касбга алоқадор таълимни олади, ўзлари учун менежер топади ва тўхтовсиз кастингларга боради. Жуда кўп куч сарфлагандан кейин машҳурликка эришишади. Бироқ уларнинг орасида тасодифан кино оламга кириб қолганлари ва бир воқеа сабаб ҳаёти тубдан ўзгариб кетганлари ҳам бор.
Жейсон Стейтем
Жейсон Стейтем Лондон кўчаларида ўғирланган парфюмерия ва заргарлик буюмларини сотган. У бу бизнесда катта муваффақиятларга эришди, кейинчалик эса сувга шўнғишга қизиқиб қолди. Бўлажак актёр Буюк Британияда ушбу спорт тури бўйича машҳур инсонлардан бирига айланди ва орадан вақт ўтиб, шоу-бизнесга ўтиш ҳақида ўйлади.
Жейсон модел сифатида ишлай бошлади, агар у тасодифан Гай Ричи билан учрашиб қолмаганда, бу соҳада қолган бўларди. Ричи “Карта, пул, икки стол” фильмидаги кўча сотувчиси билан боғлиқ эпизодга актёр қидираётган эди. Стейтем ёшлигида ўрганган барча трюкларини эслаб қолганди. У кастинг давомида фильм режиссёри Гай Ричини арзон “олтин” соатни сотиб олишга мажбур қилган – ўша ерда бўлганлар бу воқеадан жуда таъсирланган.
Памела Андерсон
1989 йилда Ванкуверга кўчиб ўтган Памела Андерсон дугоналари билан футболга боради. Ўйин тўғридан тўғри трансляция қилинаётган эди. Оператор камерани алмаштираётган пайтда таниқли пиво компанияси логотипи туширилган кўк топикдаги Памелани кўриб қолади. Стадионда бир зум қарсаклар янгради — бу қарсаклар майдондаги ҳаракатларга эмас, экранда кўрсатилган гўзал қизга чалинган эди.
Андерсоннинг моделлик карьераси шундан кейин шакллана бошлади. Барча фотосуратчилар уни ўша ерда суратга олишни хоҳлади ва пиво компанияси Памнинг энг муваффақиятли суратларини сотиб олди ва у билан ҳамкорлик қилди.
Мел Гибсон
Мел театр мактабида ўқиётган пайтда барга ташриф буюрувчилар билан жанжаллашиб қолади. Эртаси куни эрталаб у дўстини кастингга олиб боради ва режиссёр дарҳол яқинда калтакланган йигитга эътибор қаратади: кўкаришлар ва жароҳатлар Гибсонни жасоратли қилиб кўрсатарди. Шундан кейин Мел “Телба Макс” фильмида бош ролни ўйнашга таклиф қилинди.
Дэнни Трехо
Дэнни мексикалик муҳожирлар оиласида ўсган ва жиноий тўдаларга қўшилган. Трехо омадсиз эди — у 15 ёшидан 25 ёшигача Калифорниядаги олтита қамоқхонага тушган. У ўз обрўсини ошириш учун бокс билан шуғулланди, барча қарамликлардан халос бўлди ва кейинчалик спиртли ичимлик ичувчилар клубида консултант бўлди. Кунларнинг бирида Треходан мижози — ўсмир болакай суратга олиш майдончасида унга ҳамроҳлик қилишини сўради (у лойиҳада кичик рол ўйнади). Суратга олиш майдончасида кўплаб жамоа аъзолари наркотик моддаларга қарам бўлиб қолганди, актёр эса бу ҳолат унга таъсир қилишидан қўрққан.
Трехо — ўзининг даҳшатли кўриниши ва татуировкалари билан кўча безорилари ҳақидаги сериалда суратга тушди. Режиссёр унга қаршилик кўрсата олмади, актёр ундан ҳеч бўлмаганда кичик эпизодда рол ўйнашни сўради ва сценарий муаллифи ҳатто Дэнни билан бир қамоқхонада бўлганини эслади.
.jpg)
Эванжелин Лилли
“Ҳаёт-мамот” лойиҳаси юлдузи актриса бўлишни хоҳламади, унга Air Canada’да стюардесса бўлишнинг ўзи етарли эди. У бўш вақтида официант бўлиб ишлади, айнан шу пайтда у менежер Жефф Палффининг эътиборига тушди. Жефф Лиллининг ташқи кўринишини юқори баҳолади ва унга модел сифатида ишлашни таклиф қилди. Натижада у фалокат ҳақидаги машҳур сериалда Кейт Остин ролига тасдиқланди.
Харрисон Форд
Харрисон Форд доим актёр бўлишни орзу қиларди, бироқ у омадсиз эди. Актёр мунтазам равишда кичик ролларни ижро этган ёки унинг эпизоди суратга олинган фильмлардан бутунлай чиқариб ташланган. Кейинчалик Форд умидсизликка тушиб қолади ва дурадгор бўлишга қарор қилади. Кунларнинг бирида Жорж Лукас ажойиб, келишган ишчини кўрди ва тасодифан унга “Америка граффити” комедиясида рол ўйнашни таклиф қилди. Ўша пайтда студияда битта яхши дурадгор кам, бироқ яна бир маҳоратли актёр бор эди.
Ален Делон
Ален Делон ёшлигида отаси билан бирга колбаса цехида ишлаган. У 17 ёшида армияда хизмат қилган, кейинчалик Ҳиндихитойда денгизчи бўлиб ишлаган. Учувчи бўлишни орзу қилган Делон оддий буфетчига айланди. Унинг бир дўсти билан Каннга саёҳати ҳамма нарсани ўзгартирди, у ерда Голливуд агенти келишган йигитни пайқаб қолди. Аленнинг бир оёғи АҚШда эди, бироқ Ив Аллегре уни вақтида “тўхтатиб қолди”. Актёр “Аёл аралашганда” фильмида рол ўйнади ва дунёга машҳур француз актёрига айланди.
Ченнинг Татум
Ченнинг ёшлигида турли спорт турлари билан шуғулланган, шу сабабли кўпчилик уни келажакда Олимпия чемпиони бўлади, деб ўйлаган. Орадан вақт ўтиб, у ўқишни ташлади, стипендиясини йўқотди ва Майамига кўчиб ўтди. У ерда актёр стриптиз-клубига ишга жойлашди, лекин у рақс эмас, моделлик агентлиги билан шартнома имзолади. Татум клипларда суратга тушишга чақирила бошланди ва шундан кейин кинофильмда рол ўйнади.
Жонни Депп
Жонни суратга олиш жараёнларида иштирок этишни хоҳламади, у ўзини мусиқачи сифатида кўрди. У бир нечта гуруҳларда қўшиқ куйлади, бироқ ҳеч қаерда муваффақиятга эриша олмади. Деппнинг биринчи рафиқаси Лори Энн Эллисон Николас Кейжнинг визажисти бўлиб ишлаган. Жонни актёр билан учрашди ва охир-оқибат “Элм кўчасидаги можаро” фильмида рол ўйнади. Шунда бўлажак юлдуз мусиқадан воз кечиш вақти келганини, унинг “романтикаси” кинодан бошланишини тушуниб етди.
Шарлиз Терон
Шарлиз Терон Жанубий Африкада туғилган. У 19 ёшида Лос-Анжелесга кўчиб ўтган. Кунларнинг бирида актриса банкда жанжал кўтаради, шу пайт омадли тасодиф содир бўлади. Шарлиз унинг ёнида агент Жон Кроссби турганини пайқайди. У ташриф қоғозини Шарлизга қолдириб адашмади, тез орада ёш актриса экранларни забт этди.
Изоҳ (0)