Har bir aktyor mashhurlikka erishguniga qadar ko‘plab qiyinchiliklarni boshdan kechiradi: yoshligidan maktab teatriga boradi, keyin shu kasbga aloqador ta’limni oladi, o‘zlari uchun menejer topadi va to‘xtovsiz kastinglarga boradi. Juda ko‘p kuch sarflagandan keyin mashhurlikka erishishadi. Biroq ularning orasida tasodifan kino olamga kirib qolganlari va bir voqea sabab hayoti tubdan o‘zgarib ketganlari ham bor.
Jeyson Steytem
Jeyson Steytem London ko‘chalarida o‘g‘irlangan parfyumeriya va zargarlik buyumlarini sotgan. U bu biznesda katta muvaffaqiyatlarga erishdi, keyinchalik esa suvga sho‘ng‘ishga qiziqib qoldi. Bo‘lajak aktyor Buyuk Britaniyada ushbu sport turi bo‘yicha mashhur insonlardan biriga aylandi va oradan vaqt o‘tib, shou-biznesga o‘tish haqida o‘yladi.
Jeyson model sifatida ishlay boshladi, agar u tasodifan Gay Richi bilan uchrashib qolmaganda, bu sohada qolgan bo‘lardi. Richi “Karta, pul, ikki stol” filmidagi ko‘cha sotuvchisi bilan bog‘liq epizodga aktyor qidirayotgan edi. Steytem yoshligida o‘rgangan barcha tryuklarini eslab qolgandi. U kasting davomida film rejissori Gay Richini arzon “oltin” soatni sotib olishga majbur qilgan – o‘sha yerda bo‘lganlar bu voqeadan juda ta’sirlangan.
Pamela Anderson
1989-yilda Vankuverga ko‘chib o‘tgan Pamela Anderson dugonalari bilan futbolga boradi. O‘yin to‘g‘ridan to‘g‘ri translyatsiya qilinayotgan edi. Operator kamerani almashtirayotgan paytda taniqli pivo kompaniyasi logotipi tushirilgan ko‘k topikdagi Pamelani ko‘rib qoladi. Stadionda bir zum qarsaklar yangradi — bu qarsaklar maydondagi harakatlarga emas, ekranda ko‘rsatilgan go‘zal qizga chalingan edi.
Andersonning modellik karyerasi shundan keyin shakllana boshladi. Barcha fotosuratchilar uni o‘sha yerda suratga olishni xohladi va pivo kompaniyasi Pamning eng muvaffaqiyatli suratlarini sotib oldi va u bilan hamkorlik qildi.
Mel Gibson
Mel teatr maktabida o‘qiyotgan paytda barga tashrif buyuruvchilar bilan janjallashib qoladi. Ertasi kuni ertalab u do‘stini kastingga olib boradi va rejissor darhol yaqinda kaltaklangan yigitga e’tibor qaratadi: ko‘karishlar va jarohatlar Gibsonni jasoratli qilib ko‘rsatardi. Shundan keyin Mel “Telba Maks” filmida bosh rolni o‘ynashga taklif qilindi.
Denni Trexo
Denni meksikalik muhojirlar oilasida o‘sgan va jinoiy to‘dalarga qo‘shilgan. Trexo omadsiz edi — u 15 yoshidan 25 yoshigacha Kaliforniyadagi oltita qamoqxonaga tushgan. U o‘z obro‘sini oshirish uchun boks bilan shug‘ullandi, barcha qaramliklardan xalos bo‘ldi va keyinchalik spirtli ichimlik ichuvchilar klubida konsultant bo‘ldi. Kunlarning birida Trexodan mijozi — o‘smir bolakay suratga olish maydonchasida unga hamrohlik qilishini so‘radi (u loyihada kichik rol o‘ynadi). Suratga olish maydonchasida ko‘plab jamoa a’zolari narkotik moddalarga qaram bo‘lib qolgandi, aktyor esa bu holat unga ta’sir qilishidan qo‘rqqan.
Trexo — o‘zining dahshatli ko‘rinishi va tatuirovkalari bilan ko‘cha bezorilari haqidagi serialda suratga tushdi. Rejissor unga qarshilik ko‘rsata olmadi, aktyor undan hech bo‘lmaganda kichik epizodda rol o‘ynashni so‘radi va ssenariy muallifi hatto Denni bilan bir qamoqxonada bo‘lganini esladi.
.jpg)
Evanjelin Lilli
“Hayot-mamot” loyihasi yulduzi aktrisa bo‘lishni xohlamadi, unga Air Canada’da styuardessa bo‘lishning o‘zi yetarli edi. U bo‘sh vaqtida ofitsiant bo‘lib ishladi, aynan shu paytda u menejer Jeff Palffining e’tiboriga tushdi. Jeff Lillining tashqi ko‘rinishini yuqori baholadi va unga model sifatida ishlashni taklif qildi. Natijada u falokat haqidagi mashhur serialda Keyt Ostin roliga tasdiqlandi.
Xarrison Ford
Xarrison Ford doim aktyor bo‘lishni orzu qilardi, biroq u omadsiz edi. Aktyor muntazam ravishda kichik rollarni ijro etgan yoki uning epizodi suratga olingan filmlardan butunlay chiqarib tashlangan. Keyinchalik Ford umidsizlikka tushib qoladi va duradgor bo‘lishga qaror qiladi. Kunlarning birida Jorj Lukas ajoyib, kelishgan ishchini ko‘rdi va tasodifan unga “Amerika graffiti” komediyasida rol o‘ynashni taklif qildi. O‘sha paytda studiyada bitta yaxshi duradgor kam, biroq yana bir mahoratli aktyor bor edi.
Alen Delon
Alen Delon yoshligida otasi bilan birga kolbasa sexida ishlagan. U 17 yoshida armiyada xizmat qilgan, keyinchalik Hindixitoyda dengizchi bo‘lib ishlagan. Uchuvchi bo‘lishni orzu qilgan Delon oddiy bufetchiga aylandi. Uning bir do‘sti bilan Kannga sayohati hamma narsani o‘zgartirdi, u yerda Gollivud agenti kelishgan yigitni payqab qoldi. Alenning bir oyog‘i AQSHda edi, biroq Iv Allegre uni vaqtida “to‘xtatib qoldi”. Aktyor “Ayol aralashganda” filmida rol o‘ynadi va dunyoga mashhur fransuz aktyoriga aylandi.
Chenning Tatum
Chenning yoshligida turli sport turlari bilan shug‘ullangan, shu sababli ko‘pchilik uni kelajakda Olimpiya chempioni bo‘ladi, deb o‘ylagan. Oradan vaqt o‘tib, u o‘qishni tashladi, stipendiyasini yo‘qotdi va Mayamiga ko‘chib o‘tdi. U yerda aktyor striptiz-klubiga ishga joylashdi, lekin u raqs emas, modellik agentligi bilan shartnoma imzoladi. Tatum kliplarda suratga tushishga chaqirila boshlandi va shundan keyin kinofilmda rol o‘ynadi.
Jonni Depp
Jonni suratga olish jarayonlarida ishtirok etishni xohlamadi, u o‘zini musiqachi sifatida ko‘rdi. U bir nechta guruhlarda qo‘shiq kuyladi, biroq hech qayerda muvaffaqiyatga erisha olmadi. Deppning birinchi rafiqasi Lori Enn Ellison Nikolas Keyjning vizajisti bo‘lib ishlagan. Jonni aktyor bilan uchrashdi va oxir-oqibat “Elm ko‘chasidagi mojaro” filmida rol o‘ynadi. Shunda bo‘lajak yulduz musiqadan voz kechish vaqti kelganini, uning “romantikasi” kinodan boshlanishini tushunib yetdi.
Sharliz Teron
Sharliz Teron Janubiy Afrikada tug‘ilgan. U 19 yoshida Los-Anjelesga ko‘chib o‘tgan. Kunlarning birida aktrisa bankda janjal ko‘taradi, shu payt omadli tasodif sodir bo‘ladi. Sharliz uning yonida agent Jon Krossbi turganini payqaydi. U tashrif qog‘ozini Sharlizga qoldirib adashmadi, tez orada yosh aktrisa ekranlarni zabt etdi.
Izoh (0)