Хайрулла Нуриддинов Ўзбекистон миллий телерадиокомпанияси раисининг биринчи ўринбосари лавозимига тайинланди. Бу ҳақда Telegram’даги “Давлат бошқаруви” канали хабар берди.
Хайрулла Нуриддинов 1974 йилда Тошкент шаҳрида туғилган. У 1996 йилда Тошкент давлат педагогика институтини тамомлаган. 1999 йилда “Жасорат” медали, 2005 йилда “Ўзбекистон Республикасида хизмат кўрсатган журналист” давлат мукофотлари билан тақдирланган.
2006—2017 йиллар давомида Ўзбекистон МТРКнинг “Ёшлар” телерадиоканали акциядорлик жамияти директори бўлиб ишлаган. 2017 йилнинг февраль ойи ўрталарида МТРК раисининг биринчи ўринбосари бўлган, ўша йил август ойида “Ўзбекистон” телеканали директори лавозимига ўтказилган.
Эслатиб ўтамиз, 2020 йил июль ойида Вазирлар Маҳкамасининг тегишли қарорига биноан, Фарҳод Маҳмудов Ўзбекистон Миллий телерадиокомпанияси раисининг биринчи ўринбосари этиб тайинланган, март ойида Мадамин Сафаров Ўзбекистон Миллий телерадиокомпанияси раисининг ўринбосари лавозимини эгаллаганди. Фарҳод Маҳмудов Хайрулла Нуриддинов ўрнини эгаллаган, Сафаров эса Сардор Мирзакаримовни алмаштирган. 2020 йилнинг октябридан буён МТРК раиси ўринбосари лавозимида ишлаб келган Абдуманноб Йўлдошев бошқа ишга ўтиши муносабати билан 2023 йил январда лавозимидан озод қилинган эди.
Изоҳ (0)