“Пахтакор” футболчиси Аббосбек Файзуллаевнинг “ЦСКА”га трансфери нега кечикаётгани маълум бўлди.
“Биз аллақачон Файзуллаев билан хайрлашиб бўлганмиз. У “ЦСКА”да ўзини кўрсата олишига умид қиламиз, бироқ ҳозир тўлов билан боғлиқ муаммолар бор. Санкция сабабли москваликлар пулни тўлай олмаяпти. Шунинг учун барчаси кечикмоқда.
Ҳаммаси яхши бўлади деб ўйлаймиз. Биз ўз ишимизни қилдик ва тарбияланувчимиз билан хайрлашдик, қолгани энди “ЦСКА”нинг иши”, — дейди “Пахтакор” бош директори Дмитрий Адисман.
“ЦСКА” Аббосбек Файзуллаев учун 500 минг евро тўлаб бериши лозим.
Файзуллаев 2023 йил “Пахтакор” сафида 6 та ўйинда иштирок этиб, 2 та голга муаллифлик қилган.
Изоҳ (0)