Leagues Cup. “Интер Майами” “Orlando”ни ишончли ҳисобда мағлуб этди, Лионель Мессидан дубль

Футбол бўйича Leagues Cup турнири 1/16 финал босқичида “Интер Майами” 3 август тонгида “Орландо” жамаоси билан тўқнаш келди.

Учрашув “Интер Майами”нинг 3:1 ҳисобидаги ғалабаси билан якунланди. Лионель Месси дублни расмийлаштирди.

Месси ва Серхио Бускетс майдонда 90 дақиқани ўтказди. Хорди Альба эса 63-дақиқада майдонга тушиб, дебютини нишонлади.

Месси ушбу турнирнинг биринчи турида “Интер Майами” сафидаги дебютини нишонлаган эди ва жаримадан битта гол урганди. Иккинчи турда эса “Атланта” таслим этилган ва Лео дубль қайд этганди.

Leagues Cup — Мексика ва АҚШ жамоалари ўйнайдиган клублар ўртасидаги турнир ҳисобланади. Ушбу мусобақа жорий йилдан бошлаб, КОНКАКАФ тасарруфида ўтказилмоқда. Leagues Cup’да дастлабки учта ўринни эгаллаган клублар автоматик равишда КОНКАКАФ Чемпионлар Лигасига йўлланмага эга чиқади. 

Leagues Cup

3 август, пайшанба

“Интер Майами” – “Орландо” 3:1

Гол: 1:0 – Месси (7), 1:1 – Араухо (17), 2:1 – Мартинес (50, пенальти), 3:1 – Месси (71).