Наманган халқаро аэропортидан Саудия Арабистонининг Мадина шаҳрига илк парвоз амалга оширилди. Бу ҳақда “Дарё” мухбири Азизбек Абдувалиев хабар бермоқда.
Фото: Жаҳонгир Акрамов
Panorama Airways авиакомпаниясига қарашли А-320 русумли ҳаво кемаси 134 нафар йўловчини Намангандан Мадинага олиб кетди. Авиакомпания олдинроқ Тошкент ва Самарқанддан ушбу йўналишдаги қатновларни бажараётган эди. Энди улар сафига Наманган ҳам қўшилди.
Фото: Жаҳонгир Акрамов
Аэропорт мутасаддиларининг “Дарё”га билдиришича, Наманган—Мадина—Наманган йўналишидаги парвозлар ҳафтасига тўрт маратоба амалга оширилиши режалаштирилмоқда. Бу янги рейс, хусусан, Умра сафарига йўл олаётган зиёратчилар учун қулайлик туғдиради: улар тўғридан тўғри муқаддас манзилга йўл олиш имкониятига эга бўлади.
Фото: Жаҳонгир Акрамов
Маълумот учун, бугунги кунда Намангандан Россия, Бирлашган Араб Амирликлари, Уммон, Кувайт ва Саудия Арабистони каби давлатларнинг 19 та шаҳрига халқаро рейслар амалга ошириб келинмоқда.
Фото: Жаҳонгир Акрамов
Фото: Жаҳонгир Акрамов
Изоҳ (0)