Сурхондарё вилоятида навбатдаги тадбиркорлар қабулида айрим масъулларга чоралар кўрилди. Бу ҳақда вилоят ҳокимлиги ахборот хизмати хабар берди.
Унга кўра, вилоят ҳокими Улуғбек Қосимовнинг “Тадбиркорлар қабули” онлайн форматда ўтказилмоқда. Бугун жорий ҳафта учун режалаштирилган қабул аввалида ҳудудларда тадбиркорлар билан ишлаш, қабулни самарали ташкил этиш борасида йўл қўйилган камчиликлар танқид қилиниб, айрим масъулларга нисбатан кескин чоралар кўрилди.
Жумладан, Жарқўрғон тумани ҳокими ойлик иш ҳаққидан 40 фоиз жаримага тортилди. Вилоят Савдо-саноат палатаси бошлиғига ҳайфсан берилди ва вилоят прокуроридан прокуратуранинг масъул ходимига чора кўриш сўралди.
Бундан ташқари Жарқўрғон тумани ҳокимининг биринчи ўринбосари эгаллаб турган лавозимидан озод этилди ва туманда вилоят ишчи гуруҳи томонидан жисмоний ва юридик шахларнинг мурожаатлари ижроси юзасидан мониторинг ўтказилиши белгиланди.
Шунингдек, Қишлоқ қурилиш банк, Turonbank, Халқ банкининг вилоят филиали раҳбарлари, Кадастрлар палатаси вилоят бошқармаси бошлиғига огоҳлантириш берилди. Тадбиркор мурожаатини ўрганиб, ҳал этиш чорасини кўрмаган Қишлоқ қурилиш банкнинг кредитлаш бўлими бошлиғи ишдан олинди.
Шундан сўнг, вилоят раҳбари видеоконфренсалоқа тарзида ҳудудий студиялардан иштирок этаётган 55 нафар тадбиркорнинг 64 та мурожаатини тинглади.
- Кўтарилган масалаларнинг 15 таси қабул давомида ижобий ҳал этилди.
- 49 та мурожаат қўшимча ўрганиб чиқиш ва ҳал этиш чораларини кўриш вазифаси билан масъулларга йўналтирилди.
Изоҳ (2)
Болалар тарбиясига албатта ота оналар маьсулдирлар Мактаб жавобгар эмас.Умуман укувчиларга Мактабларда ва уйда телефон ишлатишни такиклаш керак,хозирги укувчиларнинг 80%зи интернета кириб бехае нарсаларни куришада шунинг учун укувчи болаларига телефонни мактабга олиб киришни такиклаш керак
Қачондан бери, ҳоким тижорат банки ходимини ишдан олиш ваколатига эга бўлди? Бу меҳнат қонунчилигини қўпол бузиш эмасми? Кимдир шу саволга жавоб бера оладими? Прокурор бўлган, қонунни ҳаммадан яхши биладиган ҳоким шу ишни қилса, қоганлардан нима кутамиз, эй авом халқим?