АҚШ президенти Жо Байден маъмурияти хитойлик хакерлар таҳдиди фонида киберхавфсизликни кучайтириш режасини эълон қилди. Бу ҳақда The Foreign Policy нашри ёзган.
Нашр таъкидлаганидек, Америка институтининг киберхавфсизликни мустаҳкамлаш бўйича янги йўл харитасини ишлаб чиқиш қарорига сўнгги уч ой ичида Хитойдан содир этилган йигирмадан ортиқ киберҳужумлар сабаб бўлган.
Қайд этилишича, ушбу режани амалга ошириш “Қўшма Штатларнинг қувур тармоқлари, электр ва сув тизимлари ҳамда бошқа асосий инфратузилмаларини ҳимоя қилиш бўйича аниқ қадамлар”, шунингдек, мансабдор шахсларнинг электрон хатлари хакерлар томонидан бузилишининг олдини олишдан иборат.
Аввалроқ АҚШ Давлат департаменти Хитой АҚШнинг муҳим инфратузилмаларига қарши киберҳужумлар уюштириши мумкинлигини айтганди. Пекин эса ўз жосуслари Ғарбда фаолият юритаётгани ҳақидаги даъволарни рад этди.
Изоҳ (0)