Польша Беларусь билан чегарада снайперларни жойлаштирди, деб хабар берди мамлакат Қуролли кучлари бош қўмондонлиги Twitterъда.
“Снайперлар разведка, навигация ва қурол билан ишлашда моҳир. Улар ўзига ишонч ва сабр-тоқат билан ажралиб туради”, — дейилади хабарда.
Қўмондонлик Польша—Беларусь чегарасидаги панжара фонида снайпер қуроллари ушлаб турган ҳарбийларнинг бир нечта суратларини намойиш этди.
“Қонун ва адолат” партияси раиси Ярослав Качинский Польша чегарасини мустаҳкамлаш зарурлиги ҳақида гапирди. У буни “Вагнер” жангчиларининг Беларусга келгани билан изоҳлади.
Аввалроқ Польша чегарачилари чегарани ноқонуний кесиб ўтишга уринишлар сони ортганини маълум қилганди.
Изоҳ (0)