Россиянинг Тула шаҳрида ўзбекистонлик йигит кўп қаватли бинодан йиқилиб тушди. Миграция агентлиги унинг онаси юборган видеони эълон қилди.
Агентликнинг маълум қилишича, мазкур фуқарога агентлик томонидан кўмаклашилган. Шунингдек, улар ватанга қайтиши учун билет ҳам олиб берилган. Аёл агентликка миннатдорлик билдириб, видеомурожаат қилган.
“Ўғлим Солижонов Жаҳонгир бахтсиз ҳодиса туфайли учинчи қаватдан йиқилиб тушганди. Уни операция қилдирдик. Ўзбекистонга қайтишимиз учун маблағимиз йўқлиги сабабли Тула шаҳридаги миграция ходимларига мурожаат қилиб, ёрдам сўраган эдим. Улар ёрдам беришди: билет олиб беришди. Юртимизга эртага кетамиз. Миграция ходимлари, бошлиқларига ўз миннатдорчилигимни билдириб қоламан. Катта раҳмат”, — дейди аёл.
Изоҳ (0)