Исроил ҳарбийлари ҳаво ҳужумлари нишонларини топиш ва ҳарбий операциялар логистикаси учун сунъий интеллектдан фойдаланмоқда, деб хабар берди Bloomberg.
“Ҳозирги вақтда ҳаво ҳужумлари учун нишонларни танлашда катта ҳажмдаги маълумотларни қайта ишлашга қодир бўлган сунъий интеллект тавсиялар тизими қўлланилмоқда”, — деб ёзади агентлик расмийларга таяниб.
Агентлик маълумотларига кўра, кейинги ҳаво ҳужумларини “ўқ-дориларни ҳисоблаш, ҳаво ҳужумларини белгилаш ва режалаштириш” учун қўлланиладиган Fire Factory сунъий интеллект тизими ёрдамида ташкил қилиш мумкин.
Иккала тизим ҳам операторлар назорати остида бўлса-да, бу технология халқаро миқёсда ҳам, давлат даражасида ҳам тартибга солинмаган, — деб таъкидлайди агентлик.
Исроил ҳарбийлари сунъий интеллект тизимларидан анчадан бери фойдаланиб келади, бироқ сўнгги йилларда уларни қўллаш доираси сезиларли даражада кенгайди.
Энди бу тизимлар “жуда катта ҳажмдаги дрон ва сунъий йўлдош тасвирларини, электрон сигналларни, онлайн алоқаларни ва ҳарбий мақсадларда фойдаланиш учун бошқа маълумотларни қайта ишлаш учун мўлжалланган улкан рақамли архитектурадир”, дейилади агентлик хабарида.
Изоҳ (0)