Microsoft компанияси 15 йил ичида биринчи марта стандарт шрифтни ўзгартирди, дея маълум қилди Microsoft Office дастурларини лойиҳалаш бўйича бош менежер Си Дэниэлс ижтимоий тармоқда.
Компания Aptos номли янги шрифтни тақдим этди. У Calibri шрифтининг ўрнига қўлланади.
“15 йил давомида бизнинг севимли шрифтимиз Calibri Microsoft компаниясининг стандарт шрифти эди. Эндиликда бизнинг муносабатларимиз ўз якунига етди”, — деб Дэниэлс сўзларини келтиради Life нашри.
Aptos оддий шакл ва текис штрихларга эга. Мазкур шрифт Word, Outlook, Power Point ва Excel’да қўлланади.
Изоҳ (0)