Ҳукуматнинг суд-ҳуқуқ ислоҳотидан норозилар яна Исроил кўчаларига чиқди, деб хабар берди “MIR 24”.
Ислоҳотга оид қонун лойиҳаларидан бири бир кун аввал биринчи ўқишда қабул қилинди. Бу кенг кўламли намойишларнинг навбатдаги тўлқинига сабаб бўлди. Исроилликлар йўлларни, жумладан Қуддусга борадиган йўлларни тўсиб қўйишди.
Минглаб одамлар Қуддусдаги президент девони олдида, шунингдек, Бен Гурион халқаро аэропортида норозилик билдириб, ҳайқиришмоқда. Полиция сув пуркагичлардан фойдаланиб, уларни тарқатишга уринди. Ўнлаб намойишчилар ҳибсга олинган.
Ислоҳотга қарши оммавий норозилик намойишлари бир неча ойдан бери давом этмоқда. Ислоҳотлар натижасида Олий суд қонунларни қайта кўриб чиқишдан маҳрум бўлади ва коалициядаги сиёсатчилар судьялар тайинланиши устидан назорат қилиш имкониятини қўлга киритади.
1 июль куни Тель-Авив марказидаги митингга 130 минг киши чиқди. Намойиш ташкилотчилари эса бу рақам нотўғрилиги, ўша куни Исроилда 300 минг киши намойишга чиққанини маълум қилган.
Изоҳ (0)