Шахмат бўйича Aimchess Rapid онлайн турнирининг тўртинчи босқичи 10 июль, душанба куни старт олади.
Ушбу мусобақанинг 1-дивизионида Нодирбек Абдусатторов ҳам иштирок этади.
Мазкур дивизионда Нодирбекдан ташқари Со Уэсли, Владимир Федосеев, Левон Арониан, Фабиано Каруана, Эдуардо Бонелли, Йорден ван Форест ва Магнус Карлсен каби гроссмейстерларни кўриш мумкин.
Олимпия тизимида ўтказиладиган мазкур мусобақани Абдусатторов америкалик Уэсли Сога қарши бошлайди. Мазкур жуфтлик ғолиби ярим финалда Федосеев—Арониан тўқнашуви ғолибига қарши баҳс юритади.
Учрашув Тошкент вақти билан соат 20:00 да бошланади.
Эслатиб ўтамиз, Нодирбек Абдусатторов июнь ойида Норвегиянинг Ставангер шаҳрида шахмат бўйича Norway Chess—2023 супертурнирида иштирок этиб, мусобақани 9-ўрин билан якунлаган.
Изоҳ (0)