Испаниялик футболчи Альваро Мората фаолиятини “Рома”да давом эттириши мумкин.
Corriere dello Sport нашрининг хабарига кўра, римликлар бош мураббийи Жозе Моуриньо бир неча кун олдин “Атлетико” ҳужумчисига қўнғироқ қилиб, ўз жамоасига таклиф қилган. Футболчининг ўзи португалиялик мутахассиснинг энг катта мухлисларидан бири бўлган.
Пауло Дибала ҳам Моратани “Рома”га таклиф қиляпти. Футболчилар деярли ҳар куни хабарлашади ва сўнгги вақтларда Пауло Альварони Римга чорламоқда.
Иккала футболчи яқин дўст ҳисобланади. Дибала Моратанинг қизи Беллага чўқинтирган ота ҳисобланади.
“Рома” эса “Атлетико”нинг Мората учун талаб қиладиган 22 миллион еврони тўлаб бериши қийин бўлади. Шунингдек, испаниялик футболчининг маоши ҳам юқори.
Аввалроқ Альваронинг “Милан” билан музокаралар олиб бораётгани хабар қилинганди.
30 ёшли ҳужумчи ўтган мавсум Ла Лигада 36 та ўйин ўтказиб, 13 та голга муаллифлик қилган.
Изоҳ (0)