Кўплаб машҳурлар рақсга тушиш, қўшиқ айтиш ёки актёрлик истеъдодига эга бўлиши мумкин. Аммо машҳурлар орасида ўзининг яширин истеъдоди билан томошабинларни ҳайратда қолдирганлари ҳам бор. Қуйида шу каби машҳурлар ҳақида маълумот берилади.
Аня Тейлор Жой
Фильмдаги йиғлаш саҳналарини амаллаб суратга олса бўлади, бироқ керакли вақтда бурундан қон кеткизиш саҳналарини суратга олиш қийинчилик туғдиради. “Эмма” фильмининг суратга олиш жараёнларида Аня Тейлор Жой бурнини ўз-ўзидан қоната олган. Лойиҳада Тейлор Жой бошқаларнинг шахсий ҳаётига аралашадиган жасур ёш совчи Эмма Вудхаус ролини ўйнайди.
Актриса интервьюларининг бирида ўз қаҳрамонининг кулминацион нуқтасида бурни қонайдиган саҳнани суратга олиш жараёни ҳақида гапирди. Аня бу ишни ҳеч бир ёрдамсиз бажаришга муваффақ бўлди. Аня бу ишни қандай қилганини тушунтира олмайди, бироқ у кино оламидан бошқа жойда фойдасиз бўлган ўзига хос маҳоратга эга эканини айтган.
Маргот Робби
Маргот Робби иштирокидаги сўнгги фильмлар ҳаммага ёқмаслиги мумкин, бироқ австралиялик актрисанинг истеъдодига жуда озчилик шубҳа қилади. Бироқ, унинг қизиқишлари кино билан чекланиб қолмайди, Робби татуировка қилишни ҳам яхши кўради. Робби қатор шармандали хатолар туфайли севимли машғулотидан тезда воз кечди.
Унинг хоккейга бўлган иштиёқи ҳам ёрдам берди, Маргот конкида учишни билади ва шунинг учун у “Тоня ҳаммага қарши” фильмидаги ролга кўп тайёргарлик кўрмади. У лойиҳада фигурали учувчи ролини ўйнади.
Том Круз
Машҳур жанговар қаҳрамоннинг сўнгги лойиҳалари унинг жар ёқаси бўйлаб пастга қарамасдан ва кўзини пирпиратмасдан юра оладими ёки йўқлигини текшириш учун мўлжалланганга ўхшайди. Сўнгги ўн йил ичида Круз фильмларда барча ақл бовар қилмайдиган ишларни қилди: дунёдаги энг баланд бинонинг фасадига кўтарилишдан тортиб, сувга шўнғиш, самолётлар ва вертолётларни бошқаришгача бўлган ишларни бажарди. Энг муҳими Круз бу ишларни амалга ошириш учун лицензияга эга. 2022 йилда шоуларнинг бирида ундан ўзида мавжуд бўлган барча сертификатларни санаб ўтишни сўрашди ва уларнинг сони жуда кўп эди.
Уилл Смит
Сўнгги пайтларда Уилл обрўси билан боғлиқ муаммоларга дуч келди, бироқ эртами-кечми машҳур шоумен қийинчиликларни енгиб ўтади. Сабаби у етарлича ақлли ва эпчил кўринади, ҳеч бўлмаганда у кубик-рубикни тез тера олади. Уилл “Оскар” номинациясини унга тақдим этган “Бахтга интилиш” фильмида пазлни бир саҳнада икки дақиқадан камроқ вақт ичида терди.
Жейсон Стейтем
Стейтемнинг фильмлардаги асосий ҳаракатлар кетма-кетлигида намоён бўлган иштиёқ унинг касбида қўшимча маҳоратни талаб қилади. Актёр сувга шўнғиш бўйича сертификатга эга ва ҳатто ўн йиллар олдин халқаро мусобақаларда қатнашган. Фильмларда актёр деярли ҳеч қачон ўз маҳоратидан фойдаланишга мажбур бўлмаган, 2018 йилда намойиш этилган “Мег” фильми бундан мустасно, у лойиҳада Жонас Тайлер исмли қутқарувчи ролини ўйнаган, у бир гуруҳ олимларга улкан акуладан қутулишга ёрдам беради.
Изоҳ (0)