Камқонликдан азият чекяпсизми? Унинг гўзаллигингизга таъсири сийрак сочлар кўринишида ва ниҳоятда рангпарлик билан намоён бўляптими? The Voice Mag нашри ҳеч қандай дори-дармонларсиз гемоглобин даражасини тезда оширадиган усул билан ўртоқлашди.
Организмдаги темир танқислиги нафақат соғлиғимизни ёмонлаштиради, балки ташқи кўринишимизга ҳам салбий таъсир қилади.
Қонда ушбу элементнинг етишмаслиги туфайли сочлар кўп тўкилади, тирноқлар синади ва мўртлашади.
Агар сиз аллақачон тиббий тестлардан ўтиб, анемия борлигини билган бўлсангиз, ферритин даражасини ошириш учун қиммат дори-дармонларни сотиб олишга шошилманг. Халқона даво чоралари худди шу вазифани аъло даражада бажара олади — айрим ҳолларда у баъзи фармацевтик препаратларга қараганда 2 баробар самаралироқ ишлайди.
Биз одатдаги петрушка шарбати ҳақида сўз юритамиз, уни уй шароитида осонгина тайёрлаш мумкин. Интернетдаги шарҳларга кўра, кунига атиги 300-400 мл яшил коктейл мўжизалар ярата олади: бу миқдор, одатда, инсоннинг кундалик эҳтиёжларини қондириш учун етарли.
Петрушка шарбатини қандай тайёрлаш керак:
- бир боғ петрушкани сув билан яхшилаб ювинг;
- кўкатларни совуқ сувда 30 дақиқа давомида бўктириб қўйинг;
- петрушкани бир неча қисмга бўлинг;
- блендерга солиб, бирхил масса ҳосил бўлгунича майдаланг;
- тайёр аралашмани дока ёрдамида сузиб, яхшилаб сиқиб олинг;
- ҳосил бўлган шарбатни сув билан суюлтиринг;
- кун давомида 300-400 мл ичинг.
Изоҳ (0)