Ўзбекистон либерал-демократик партиясидан Президентликка номзод Шавкат Мирзиёев бухоролик сайловчилар билан учрашув чоғида аҳолига қулай турмуш шароити яратишга оид режалар ҳақида тўхталди.
Жумладан, келгуси етти йилда 1,5 мингдан зиёд кўп қаватли уйлар қурилиб, 60 минг оила шинам уй-жойга эга бўлади.
Шунингдек, вилоятда 7 минг километр йўллар, жумладан, 3,5 минг километр ички йўллар ва 300 дан зиёд кўприклар таъмирланади.
Бундан ташқари:
- 1 миллион 200 минг аҳоли учун ичимлик суви таъминотини яхшилаш мақсадида, 5 минг километр янги тармоқ ва 84 та сув иншооти барпо этилади;
- Бухорода марказлашган ичимлик суви бўйича қамров 77 фоиздан 95 фоизга етказилади;
- туман ва шаҳар марказларида 1 минг 200 километр канализасия тармоқлари ва 150 та оқова сув тозалаш иншоотлари қурилади;
- 600 мингдан зиёд аҳоли илк бор канализасия хизматига уланиб, вилоятда қамров даражаси ҳозирги 9 фоиздан 40 фоизга оширилади;
- маҳаллаларда 10 минг километр электр тармоқлари қурилиб, 1 мингта трансформатор янгиланади.
Изоҳ (0)