“Фарғонанинг икки туманида 900 Мегаваттли қуёш электр станциялари ишга туширилади” — Шавкат Мирзиёев

Шавкат Мирзиёев фарғоналик сайловчилар билан учрашувда инфратузилмани яхшилаш борасидаги режалар ҳақида маълумот берди.

“Хитойнинг 900 миллион доллар инвестисияси ҳисобига, Ўзбекистон ва Бешариқ туманларида 900 Мегаваттли қуёш электр станциялари ишга туширилади. Вилоят аҳолисининг электр таъминотини яхшилаш мақсадида, 8 минг километр тармоқ ва 2 мингта трансформатор янгиланади”, – деди номзод.

Шунингдек, 10 минг километр йўллар ва 170 та кўприк таъмирланади. Бундан ташқари, 5 минг километр сув тармоқлари ва 900 та сув иншоотибарпо этилади ва таъмирланади. 

Натижада 2030 йилга бориб, вилоятда аҳолини тоза ичимлик суви билан таъминлаш даражаси 76 фоиздан 96 фоизга етказилади.