Қозоғистондан Ўзбекистонга гўшт экспорти 134 баравар ошди. Бу 2013 йилдан бери энг юқори кўрсаткич, деб маълум қилди Қозоғистон қишлоқ хўжалиги вазири Ербол Карашукеев.
“2019 йилда гўшт экспорти жами 9,7 минг тоннани, жумладан, Хитойга – 3,6 минг тонна, Россияга – 2,1 минг тонна ва Эронга – 2,3 минг тоннани ташкил этди. 2022 йил охирида биз Ўзбекистон, Бирлашган Араб Амирликлари ва Қирғизистонга экспортни қайта йўналтиришга ҳамда 2,9 бараварга оширишга муваффақ бўлдик”, — дейди Ербол Карашукеев ҳукумат йиғилишида.
Вазирнинг таъкидлашича, Қозоғистонда ўтган йили хорижга 28,7 минг тонна гўшт сотган.
“Бу сўнгги 10 йилдаги рекорд кўрсаткич ҳисобланади. Ўтган йилги тенденция жорий йилда ҳам давом этяпти. Шу қаторда Ўзбекистонга гўшт экспорти 134 баравар, БААга эса 8 баравар ошди”, — деб қўшимча қилган у.
2022 йил ёзида Ўзбекистон мамлакатга гўшт олиб киришга рухсат берилган Қозоғистон компаниялари рўйхатини 19 тага кенгайтирган эди. Шундан сўнг 56 та корхона тегишли ҳуқуққа эга бўлди.
Изоҳ (0)