Футбол бўйича Англия Кубоги финалида “Манчестер Сити” ва “Манчестер Юнайтед” жамоалари 3 июнь, шанба куни ўзаро тўқнаш келди. 

Учрашувнинг 14-сониясидаёқ ҳисоб очилди. Илкай Гундўған жарима майдонидан ташқарида ажойиб зарба бериб, де Хеа дарвозасини ишғол қилди. 33-дақиқада эса Бруну Фернандеш пенальтидан унумли фойдаланиб, мувозанатни тиклади. Биринчи бўлим дуранг натижа билан якунланди.

Иккинчи бўлимда Илкай дублни расмийлаштирди. “Шаҳарликлар” ярим ҳимоячиси 51-дақиқада ўз ҳисобига гол ёздириб қўйди. Қолган дақиқаларда гол урилмади.

Шу тариқа манчестерликлар дербисида “Сити”нинг қўли баланд келиб, Кубок соҳибига айланди. 

Англия Кубоги

Финал

3 июнь, шанба

“Манчестер Сити” – “Манчестер Юнайтед” 2:1

Голлар: 1:0 – 1 Гундўған, 1:1 – 33 Бруну Фернандеш (пенальти), 2:1 – 51 Гундўған.

“Манчестер Сити”: Ортега, Уокер, Рубен Диаш, Аканжи, Стоунз, Гундўған, де Брюйне (Фоден, 76), Грилиш, Бернарду Сильва, Родри, Ҳоланд.

“Манчестер Юнайтед”: Де Хеа, Уан-Биссака, Варан, Линделеф (Мактоминей, 83), Шоу, Эриксен (Гарначо, 62), Каземиро, Фред, Бруну Фернандеш, Санчо (Вегорст, 78), Рэшфорд.

Огоҳлантиришлар: Уан-Биссака (45), Фред (79), Ортега (81).