Афғонистон ва Эрон ўртасида сув бўйича келишмовчилик давом этар экан, Эрон президенти Иброҳим Раиси “Толибон” ҳукуматига “огоҳлантириш” бериб, унинг сўзларини жиддий қабул қилишни айтди. Бу ҳақда Etilaatroz хабар берди.
Раисий Систан ва Балужистон вилоятига ташрифи давомида бу ҳақда гапирди.
“Афғонистон ҳукуматини Систан аҳолисига имкон қадар тезроқ сувдан фойдаланиш ҳуқуқи беришлари ҳақида огоҳлантираман”, — деди у.
У Систан аҳолисининг Ҳилманддан олган сув ҳуқуқлари вақт ўтишига боғлиқ бўлиши мумкин эмаслигини билдирди. Раисий сув бўлмаса, Эронда муаммо бўлмаслиги, аммо сув бор бўлса, халқнинг ҳақ-ҳуқуқи берилиши кераклигини айтди. У Эрон бунга қараб турмаслигини таъкидлади.
“Бу таклифни жиддий қабул қилинг, шунда бу масалани дипломатия ва вақт ўтиши билан ҳал қилиш мумкинлиги айтилмаганидан шикоят қилманг”, — деди Раисий “Толибон”га.
Эрон ташқи ишлар вазири Ҳусайн Амир Абдуллоҳийн Систан ва Балужистонга сафари чоғида “Толибон”дан сўров Ҳилманддаги Кажаки сув тўғонининг дарвозаларини имкон қадар тезроқ очиш эканини айтди.
Абдуллоҳийнга кўра, Афғон томони Кажаки тўғонида сув етарли эмаслигини даъво қилмоқда. Бироқ Эрон қўшма техник гуруҳ буни текшириши кераклигини айтди. У Эрон делегацияси Кажаки сув тўғонига ташриф буюриши, унда сув бор ёки йўқлигини баҳолашини таъкидлади.
“Афғонистондан сув чиқариш ва Эроннинг сув ҳуқуқларини амалий таъминлаш Эрон Ислом Республикасининг жиддий талаби ва бу мамлакатлар ўртасидаги муносабатларга таъсир қилади”, — деди Эрон ТИВ раҳбари.
Сиёсатчи 1351 йилги шартномада Ҳилманд дарёси сувлари билан боғлиқ кўрсатилган қоидаларни қатъий ва тўлиқ бажаришга эътибор қаратилганини қайд этди.
Изоҳ (0)