Сурхондарё вилояти Денов тумани 1-сон касб-ҳунар мактаби ҳар хил турдаги баннерлар тайёрлаш бўйича бошланғич қиймати 105 миллион сўмлик тендер ўтказган. “Дарё” мухбири ҳужжатларни мониторинг қилиш давомида савдода иштирок этган корхоналар бир шахсга тегишли эканини аниқлади.
Тендер дастурий таъминот, чоп этиш, овоз ва видеоёзувларни нусхалаш хизматларини кўрсатиш учун бўлиб ўтган. Ғолиб ташкилот 15 кун ичида айтилган хизматни бажариб бериши керак.
Лотни ютиш учун иккита тадбиркорлик субъекти рақобатлашди:
- “Одилбеков Оғабек” оилавий корхонаси;
- “Файзуллаҳон Бизнес Инвест“ МЧЖ.
Комиссия аъзоларининг якуний баҳоларига кўра, тендерни 91 балл билан “Ф.Б.И.” корхонаси ютган. Шартнома суммаси 104 миллион 580 минг сўм. Яъни ғолиб бошланғич нархдан 20 минг сўм камроқ таклиф қилган.
.jpg)
Тендер иштирокчиларининг раҳбарияти билан танишиш жараёнида шубҳали ҳолатга дуч келдик. Статистика агентлигига кўра, “Ф.Б.И.” МЧЖнинг раҳбари Норқобилов Одилбек Сангинбоевич ҳисобланади.
.jpg)
Эътиборлиси шундаки, тендерда унга “рақобатчилик“ қилган “Одилбеков Оғабек” оилавий корхонасининг таъсисчиларидан бири ҳам айнан Норқобилов Одилбек Сангинбоевич.
“Давлат харидлари тўғрисида”ги қонуннинг 68-моддасига кўра, тендер иштирокчиси фақат битта таклиф беришга ҳақли.
Масъуллардан ушбу шубҳали тендер натижаларига эътибор қаратиб, ноқонуний ҳолатлар юзасидан чора кўришни сўраймиз.
Изоҳ (0)