Энергетика вазирлиги ижтимоий ва давлат объектлари ҳамда бошқа ташкилотлар эҳтиёжлари учун кичик қуёш электр станцияларини ўрнатиш учун ўтказилган танлов натижаларини бекор қилди.
Жорий йил март ойида ижтимоий ва давлат объектлари ҳамда бошқа ташкилотлар эҳтиёжлари учун кичик қуёш электр станцияларини сотиб олиш, ўрнатиш ва кафолатланган техник хизмат кўрсатиш учун танлов эълон қилинганди.
Ушбу танловда қайта тикланувчи энергия манбалари қурилмаларини ўрнатиш бўйича 18 та компания иштирок этган ва мазкур лойиҳа аҳоли ва давлат манфаатларини тўлиқ ҳимоя қилишини инобатга олган ҳолда амалга оширилиши кўзда тутилган.
Шунга асосан танлов натижалари бўйича ютган компаниялар билан тузилган шартномалар мазкур компаниялар томонидан шартнома шартлари бажарилмагани сабабли бекор қилинди.
Ҳозирги кунда ажратилган маблағларни инобатга олиб, умумий қуввати 2,5 мвтга тенг бўлган қуёш фотоэлектр станцияларини қуриш бўйича янги танлов эълон қилинди.
Кейинги босқичда ушбу йўналишдаги лойиҳаларнинг асосий қисмини молиялаштириш халқаро молия институтлари маблағлари ҳисобидан амалга оширилиши кўзда тутилган бўлиб, ҳозирда бу йўналишда музокаралар олиб борилмоқда.
Изоҳ (0)