Арабистоннинг Макка шаҳрида зиёрат учун борган хоразмлик аёллар тилла тақинчоқларни ўғирлаб, қочиб кетгани ҳақида хабар тарқалди. Хоразм ИИБ мазкур хабарлар юзасидан маълумот берди.
Хабарларда улар Арабистонга келса ўғирлик қилгани учун қўлини чопишлари, келмаса калласини чопиб Арабистонга олиб боришлари тўғрисида айтилган. Мазкур овозли хабарда номлари келтириб ўтилган фуқароларнинг Хоразм вилояти Ички ишлар бошқармасига қилган мурожаатига асосан олиб борилган текширувлар натижасида ушбу овозли хабарларни тарқатган шахслар аниқланди.
Дастлабки суриштирувлар жараёнида улар ушбу овозли хабарларни ҳеч қандай асоссиз тарқатгани маълум бўлди. Ҳозирги пайтда овозли хабарларни тарқатган шахсларнинг хатти-ҳаракатлари юзасидан терговга қадар текширув ишлари олиб борилмоқда.
Изоҳ (0)